Prarthanabhav Prev Next Index

-:પ્રાર્થનાભાવ:-


      આ સંસાર સંઘર્ષો અને કોયડાઓની ઘટમાળ છે તમે પણ જ્યારે મુસીબતોમાં પડો કે આપતિમાં ફસાઈ જાઓ ત્યારે પણ ગુરૂકૃપાની બોરી પકડી શકો છો અંતઃકરણના ઉંડાણમાંથી કરેલી ભક્તિભાવની પ્રાર્થના ક્યારે નિષ્ફળ જતી નથી બ્રહ્મનિષ્ઠ સદગુરૂનાં ચરણકમળ સુધી પહોંચવા માટે કોઇકળા વિજ્ઞાન કે દર્શન શાસ્ત્રની ડિગ્રીની જરૂર નથી એતો ગુરૂગોંવિંદનો દરબાર છે. માત્ર હ્રદયમાં ભક્તિભાવ જોઇએ એ દરબારમાં જાઓ મનને નિરવિકાર બનાવી લો ગુરૂચરણોમાં પૂર્ણરૂપે આત્મ સમર્પિત થઈ જાઓ પછી તમારો ઉધાર થયો જ સમજવો, પ્રાર્થનામાં મનવાનર્છિત પરિણામ પ્રાપ્ત કરવાની તેમજ વિષય પરિસ્થિઓને અનૂકૂળ બનાવવા માટેની એક સુસંકૃત શક્તિ છે. પ્રાર્થનાથી પથ્થર દિલ પણ પાણી થઈ જાય છે. પ્રાર્થનાથી મડદાં પણ સજીવ થયા છે. અસંભવ પણ સંભવિત બની શકે છે.બધીજ ઉથલપાથલ કે પરિવર્તન થઈ શકે છે. પરંતું પ્રાર્થના કે પોકાર(આર્તનાદ) હ્રદયના ઉંડાણમાંથી ભાવસભર ઉઠેલો હોવો જોઇએ, જેમ ડૂબતા ગજરાજે મગરન મૂખમાંથી છુટવા ભગવાન શ્રી કૃષ્ણને પ્રાર્થના કરી હતી, પ્રાર્થના આવી હ્રદયદ્રવી હોવી જોઇએ, શિષ્યના શુધ્ધ અને નિખાલસ મનમાંથી નિકળેલી કરૂણાભરી શરણાગતિ વાળી પ્રાર્થના શ્રી બ્રહ્મનિષ્ઠ સદગુરૂના કાન સુધી પહોંચી જાય છે. સદગુરૂની કૃપા શીષ્યની સમસ્યાનો ઉકેલ લાવે છે માત્ર દુખ નિવારણ માટેજ પ્રાર્થના ના કરવી જોઇએ, દુઃખો અને કષ્ટો સહન કરવાની શક્તિ માટે પણ યાચના કરવી જોઇએ, સહિષ્ણુતાની શક્તિ માટેજ કરેલી પ્રાર્થના પણ શાંતિ દાયક અને સુખદ બની રહેશે જ્યારે પણ મન અંકુશમાં ના રહે અને જીદ કરવા લાગે ત્યારે નિરાશ ના થતાં સદગુરૂશ્રીનું સ્મરણ કરવું જોઇએ આત્મવેતા સદગુરૂ ચોક્કસ તમારા વિઘ્નો તેમજ દુઃખો નિર્મૂળ કરશે રોજીંદા જીવનમાં પણ માર્ગદર્શન માટે એમને વારંવાર માનસિક પ્રાર્થનાઓ કરી, દૈનિક વિટંબળાઓ ઉકેલી શકાય છે. શિષ્યના હ્રદયમાંથી નિકળેલી નિખાલસ પ્રાર્થના કે પોકાર ગુરૂદેવ સુધી અવશ્ય પહોંચે છે. એનો જવાબ પણ શિષ્યને તત્કાલિક સુલભ બની જાય છે. એવા ઘણા સંતોનો અનુભવ છે.