શ્રી વાળીનાથજી ભગવાનના આ દિવ્ય અને પુનિત ધામના ઇતિહાસમાં મુનષ્યના સર્વ ધર્મો અને સિધ્ધાન્તોનો સમાવેશ થઇ જાય છે તંત્ર શાસ્ત્રના આધારે શ્રી શિવશકિત અને વર્તમાન સમયના પ્રગટ મહાપુરૂષોની યુગલ ઉપાસના શ્રેષ્ઠ અને અનિવાર્ય છે. જ શ્રી વાળીનાથજી ભગવાનની યુગલ ઉપાસનાના પ્રતિક સમા બે મહાપુરૂષોની આધ્યાત્મિક અને પ્રેરણાત્મક દ્રષ્ટિ અહી આલેખવામાં આવી છે. બન્ને ભિન્ન છતાં સરખા છે. બન્નેના ઉત્તમ કાર્યો એકબીજામાં ઓતપ્રોત છે. સંસ્થા વિકાસના સ્થંભ સમા બન્ને મહાપુરૂષો તપ અને શ્રમ આયોજન દ્વારા ઉત્તમોત્તમ જયારે બીજા શ્રેષ્ઠ શિષ્ય તરીકે શોભાયમાન છે.

પરમ પૂ. પ્રાતઃ સ્મર્ણીય ગુરૂદેવ અનંત વિભુષિત શ્રી ૧૦૮ મહંત શ્રી બળદેવગિરિજી બાપુશ્રી સદ્ગુરૂ છે અને પૂ. કોઠારી સ્વામીશ્રી ગોવિન્દગિરિજી મહારાજશ્રી આદર્શ શિષ્ય સ્થાને પ્રતિષ્ઠિત છે. બન્ને મહાનુભાવ મહાત્માઓ એકરૂપ અને અખંડ છે. બેય મહાપુરૂષો ભગવાન શ્રી વાળીનાથજીની શ્રધ્ધા ભકિતનું સૂચન કરે છે. અને આ જાગ્રત દિવ્ય દર્શનીય ધુણીને પ્રગટ કરનાર મહાપુરૂષોની ચેતના દ્રષ્ટિની સમાજને ઓળખાણ આપે છે. આવા મહાન સંતો સમ્રાટ છે. તેઓનું અસ્તિત્વ સ્વતંત્ર છે. તેઆ સર્વોપરી છે. સેવક અને સ્વામીની પરાભકિતનું દર્શન કરાવે છે. એક છે સ્વામી બીજા છે. સેવક બન્નેમાં અવિભાજય એકતાનાં દર્શન થાય છે. સ્વામીનું શરીર પરમ પૂજય મહંતશ્રી બળદેવગિરિજી બાપુશ્રીનું છે. જયારે સેવકનું શરીર પૂ. સ્વામીશ્રી ગોવિન્દગિરિજી મહારાજશ્રીનું છે એટલે સહેજે બન્નેના સહીયારા ધર્મકાર્યને અલગ કરી શકાય તેમ નથી.

આવી શ્રી વાળીનાથજી ભગવાનની શુધ્ધ ઉપાસનાની પ્રણાલિકામાં સામર્થ્ય પામેલા સંતેના જીવન દર્શનનો લ્હાવો ભકતો માટે પરમાનંદનો માર્ગ છે. સાચા સંતો સમાજ માટે પ્રકાશિત સૂર્ય સમાન છે. આવા મહાન સંતો સંતમાર્ગની અનિવાર્યતા સૂચવે છે. આવા સંતોનો ખરેખરો આશરો હોય તો જ શાસ્ત્રોમાં કહેલા ષડરિપુઓનો પ્રલય થાય છે. અથવા ષડઐશ્વર્યના રાગનો પ્રલય થાય છે. ષડરિપુઓ અને ષડ ઐશ્વર્યમાં કોણ ફસાયુ નથી ? તેથી ભકતો માટે અજ્ઞાન રાગને દુર કરવા માટે સાચા સંતનો સત્સંગનો પ્રસંગ અનિવાર્ય બને છે. સંતોની પ્રસન્નત માટે સમર્પણભાવ અનિવાર્ય છે. જેમ ડાબુ અને જમણું અંગ એકત્વથી વર્તે છે. શરીરના સમગ્ર તંત્ર સંચાલન માટે સમર્પણ ભાવથી ઉન્નત થાય છે. સંત મહાપુરૂષો સાથે ખરેખરા એકરૂપ બનીએ અને સમર્પિત બનીએ તેમજ તેમની સૂચના પ્રમાણે મરણિયા બનીને વર્તનમાં મૂકીએ તો સંપૂર્ણ આનંદરૂપ શ્રી વાળીનાથજી મહારાજશ્રીના કૃપાપાત્ર થઇ જવાય, અને અખંડ આનંદ પ્રાપ્ત થાય તેથી જીવન ન્યાલ થઇ જાય, શીવરૂપ બની જાય, એવી ઉચ ભાવના સંતોના સતસંગને વર્તનમાં ઉતારવાથી પ્રાપ્ત થાય છે.